Ақтауда жедел жәрдем қызметкерлерінің біліксіздігінен 6 жасар қыз көз жұмды

Malim Админ

  • 24.12.2024

Ақтау қаласының тұрғыны Ислам Шыңғысовтың айтуынша, оның 6 жасар қызы жедел жәрдем қызметкерлерінің біліксіздігінен көз жұмған. 

Қайғылы оқиға 15-желтоқсан күні болған. Бүлдіршіннің дене қызуы кенеттен көтеріліп, ата-анасы жедел жәрдем шақырған. Бірақ дәрігерлер баланы ауруханаға жатқызудан бас тартып, жақсы болатынын айтып, кетіп қалған. Қыз баланың дене қызуы қайта көтеріліп, жағдайы нашарлағанда әкесі қайта жедел жәрдем шақырғанын айтады. Алайда, дәл сол бригада келіп, ауруханаға жатқызу мәселесін талқылап жүргенде бала қайтыс болған. 

— Бірінші келгенде жедел жәрдем қызметкерлері баланың денесін сүртіп, антибиотик беруге кеңес беріп, кетіп қалды. Олар кеткеннен кейін шамамен бір сағат өткен соң, қызымның өңі ауып, денесінің түсі өзгеріп кетті. Біз қорқып, тағы да жедел жәрдем шақырдық. Сол екі жас жігіт келді. Олар қызымның қандай күйде екенін көріп, ауруханаға апаруға шешім қабылдады. Бірақ, баланы киіндіріп, шығамыз деп жүргенде қол-аяғы құрысып, көз алдымда айрылып қалдым. Жедел жәрдем қызметкерлерінде ауа беру аппараты да жоқ, өздері ештеңе білмейді. Олар бейне қоңырау шалып, әріптестерімен сөйлесіп, не істеу керектігін сұрады, содан кейін екінші бригаданы көмекке шақырды. Алайда, олар келгенше мен қызымнан айрылдым, — дейді Ислам Шыңғыс. 

Қайғыдан қан жұтқан ата-ана кінәлілерді жазалап, жедел жәрдем қызметінің жабдықталуын, қызметкерлердің біліктілігін қайта тексеруді сұрайды. 

Маңғыстау облыстық денсаулық сақтау басқармасы қайғылы оқиғаға қатысты пікір білдірді. 

— Басқарма тарапынан және «Маңғыстау облыстық жедел және шұғыл медициналық жәрдем станциясы» орын алған жағдай бойынша қазіргі уақытта ішкі-талдау, тексеру жұмыстары жүргізіліп жатыр. Заңға сәйкес қорытынды шешім медициналық сараптамадан кейін жасалады, - делінген хабарламада. 

Фото: emcrk.kz  

Байланысты жаналықтар

Абай облысында үш адамды су тасқыны алып кетті

16.04.2025

Мотоцикл жүргізушісі шабуылға ұшырады: полиция жәбірленушіні күзететін болды

16.04.2025

Алматыда сауда орталығы маңында өрт шықты

15.04.2025

Суықта киімсіз далада ұстаған: қарияларға қатыгездік көрсеткен қызметкер ұсталды

15.04.2025

Семейде теміржолдан өтпек болған тұрғынды пойыз басып кетті

15.04.2025

Алматыда кілт тоқтаған аттракционға қатысты тексеру жүріп жатыр

15.04.2025
MalimBlocks
Абай облысында үш адамды су тасқыны алып кетті

Мотоцикл жүргізушісі шабуылға ұшырады: полиция жәбірленушіні күзететін болды

Жамбыл облысының Меркі ауданындағы жанармай құю бекетінде болған оқиғаға қатысты Ішкі істер органдары қылмыстық істі тергеп жатыр

Алматыда сауда орталығы маңында өрт шықты

Желіде Алатау ауданындағы "Алатау" сауда орталығы маңында қою түтін бейнеленген видео тарады. Алдын ала мәлімет бойынша, Самғау шағынауданында қойма өртеніп жатыр

Суықта киімсіз далада ұстаған: қарияларға қатыгездік көрсеткен қызметкер ұсталды

Ақсуда пансионат қызметкері​​​​​​​ қарияларға қатыгездік көрсеткен

Семейде теміржолдан өтпек болған тұрғынды пойыз басып кетті

Оқиға 14 сәуірде «Жансая» базарының маңындағы теміржол өткелінде болған

Алматыда кілт тоқтаған аттракционға қатысты тексеру жүріп жатыр

Алматыда полицейлер саябақтағы оқыс оқиғаға қатысты тексеріс бастады