Алматыдан Мәскеуге бет алған жүк көлігі жол-көлік апаты кезінде аударылып қалды. Салдарынан жеңіл көлік жүргізушісі жарақаттанып, ауруханаға жеткізілді.
Жол-көлік апаты бүгін сағат шамамен 14:00-де Ақтөбе қаласындағы Оңтүстік айналма жолда екі көлік соқтығысты. DAF және Toyota көлігі соқтығысып, жеңіл машина жүргізушісі ауруханаға түсті. Ақтөбе облыстық ПД Патрульдік полиция батальоны командирінің орынбасары Ануар Ибраевтің айтуынша, жеңіл көлік тізгіндеген адам рульге ие бола алмай қалған.
«Жедел жәрдем оқиға орнына барып, 1 адамды ауруханаға алып кетті. 29 жастағы ер адамға миы шайқалды деген диагноз қойылды. Ол дәрігерлерден кеңес алған соң ауруханаға жатудан бас тартты. Сонымен бірге көлікте болған 18 жастағы жігіт ауруханаға барудан бас тартты. Ал 38 жастағы ер адам дәрігерге шағым айтпады», - деп хабарлады Ақтөбе облыстық Денсаулық сақтау басқармасының баспасөз қызметі.
Статистикаға сүйенсек, жыл басынан бері өңірде 416 жол-көлік апаты болды. Соның кесірінен 94 адам көз жұмды. Қазіргі кезде Самара-Шымкент тас жолында қауіпсіздік үшін кезекшілік күшейтілді.
Фото: Видеодан кадр
Байланысты жаналықтар
MalimBlocks
