Астанада жүргізуші жол жұмысшысын қағып өлтірді (ВИДЕО)
Одан бөлек, қарсы бағыттағы көлікпен соқтығысқан
Астанада 14 қыркүйекте жүргізуші жол бойында жол жұмыстарын жүргізіп жатқан ер адамды қағып кетіп, салдарынан жұмысшы көз жұмды, деп хабарлайды Malim.kz.
Елордалық полиция департаментінің мәліметінше, Lada автокөлігінің жүргізушісі Өндіріс көшесімен Ақбидай көшесіне қарай келе жатқан кезде жол апатын жасаған.
Ол ер адамды қағып кеткеннен кейін, жүргізуші қарсы бағытта келе жатқан KIA Sportage көлігімен соқтығысқан. Апат салдарынан жұмысшы алған жарақаттарынан сол жерде қайтыс болды. Kia Sportage жүргізушісі мен жолаушылары ауруханаға жеткізілді. Медициналық тексеруден кейін олар үйлеріне жіберілді, деп мәлімдеді полиция баспасөз қызметі.
Осы дерек бойынша қылмыстық іс қозғалып, жүргізуші уақытша тергеу изоляторына қамалған.
Фото: iz.ru
