Маңғыстаудағы ұшақ апатынан қаза тапқан 24 адамның денесі Бакуге жеткізілді
Оларға қайталама сараптама жүргізіліп жатыр
Ақтау маңында апатқа ұшыраған ұшақтағы қаза болған үш экипаж мүшесі мен 21 жолаушының денелері Банкуге жеткізіліп, тиісті сараптама жүргізілген. Report агенттігінің хабарлауынша, қазір үш бөлімде денелерге қайталама сараптама жүргізіліп жатыр, деп хабарлайды Malim.kz.
Ясамал ауданындағы Патологиялық анатомия бюросының бөлімшесінде 13 адамның денесіне қайталама сараптама жүргізіліп болған. Процедуралар аяқталғаннан кейін денелер тиісті мекенжайларға жерлеу үшін жіберіледі.
Қаза болғандардың денелері сот-медициналық сараптамадан өткен соң қорытындысы Әзербайжан Бас прокуратурасының Тергеу басқармасына ұсынылады.
Фото: report.az
