СҚО-да үй өртеніп, екі ересек адам мен үш бала көз жұмды
Олардың денелерін өрт сөндірушілер алып шыққан
Солтүстік Қазақстан облысы Шал ақын ауданы Ступинка ауылында жеке тұрғын үйде өрт шыққан. Бұл туралы жергілікті МТРК телеарнасы әлеуметтік желідегі парақшасында жазды, деп хабарлайды Malim.kz.
Облыстық ТЖД мәліметінше, өрт сөндірушілер келгенде үй толығымен өртке оранған, соның салдарынан шатыр мен төбе жабындары опырылып түскен.
Өртті сөндіру барысында оқиға орнынан екі ересек адам мен үш баланың денелері табылған, олардың жеке тұлғалары анықталып жатыр.
Құтқарушылар өртті оқшаулады. СҚО ТЖД күштері мен құралдары және өрт сөндіру бекетінің көмегімен жалпы ауданы 104 шаршы метрді құраған өрт толығымен сөндірілді. ТЖД психологтар тобы қаза тапқандардың туыстары мен жақындарына шұғыл психологиялық көмек көрсетті, деп жазылған ТЖД мәліметінде.
Оқиға орнында СҚО ТЖД бастығы Аскаров Ж.С. және тергеушілер мен ТЖД өрт сынақ зертханасы жұмыс істеп жатыр. Өрттің шығу себептері анықталу үстінде.
Фото: видеодан скриншот
Байланысты жаналықтар
MalimBlocks
