«Қазақмыс» компаниялар Тобы «Жомарт» кенішіндегі шахта-проходкалау тресінде орын алған төтенше жағдай туралы мәлімдеме жасады, деп хабарлайды Malim.kz.
17 ақпанда Ұлытау облысы Жаңаарқа ауданында орналасқан «Қазақмыс корпорациясы» ЖШС «Жомарт» кенішінде тау жынысы опырылып түсті. Оқиға салдарынан жеті жұмысшы үйіндінің арғы жағында қалды. Кабельдердің үзілуіне байланысты қазіргі уақытта жұмысшылармен байланыс жоқ.
Оқиға орнында іздестіру-құтқару жұмыстары жүргізілуде. Оған ТЖД-ның 21 қызметкері мен 7 техника бірлігі жұмылдырылған, сондай-ақ «Серіктес» АҚҚ-ның 2 бөлімшесі құтқару жұмыстарына тартылған.
Құтқару операциясының барысы туралы қосымша ақпарат беріледі.
Қарағанды облысы Костенко шахтасындағы 46 кеншінің қазасына қатысты іс сотқа жолданды. Бұл туралы Бас прокурор Берік Асылов мәлімдеген еді.
Фото: rawpixel
