«Алматы-Екатеринбург» тасжолында Қарағанды облысы аумағында автобус пен минивэн соғысқан, деп хабарлайды Malim.kz.
Оқиға бүгін сағат 12.00 шамасында Ақшатау кентінен 30 шақырым жерде Қарағанды қаласына қарай бағытта болған.
Қарағанды облысы полиция департаментінің мәлімдеуінше, жол-көлік оқиғасы салдарынан «Тойота Естима» автокөлігінің 4 жолаушысы және автобустың бір жолаушысы оқиға орынында қайтыс болды. Әр түрлі дене жарақатымен ауруханаға 11 адам жеткізілген.
Аталған дерек бойынша қылмыстық іс қозғалып, тиісті сараптамалар тағайындалған. Тергеу амалдары жүріп жатыр.
Фото: Қарағанды облысы ПД
MalimBlocks
