Алматыдағы үздік мектеп-интернаттардың бірі 60 жылдық мерейтойын атап өтті

Алматыдағы Ш.Смағұлов атындағы мамандандырылған дарынды балаларға арналған физика-математика орта мектеп-интернатында 2021-2022 оқу жылындағы түлектермен қоштасуға арналған cоңғы қоңырау салтанатты іс-шарасы өтті.

Malim Админ

  • 25.05.2022

Айтулы күн қарсаңында мектеп ұжымы 60 жылдық мерейтойын да атап өтті. Оған биылғы мектеп түлектерімен қатар аталмыш білім ордасынан әр жылдары түлеп ұшқан елге есімі белгілі азаматтар, білім ордасының қазіргі қызметкерлері және өзге де меймандар қатысты.

Мерекелік кеш 11-сынып оқушыларының салтанатты шеруімен басталды. Мұнан соң түлектер қоштасу вальсін билеп, мектепте соңғы қоңырау соғылды. Өз кезегінде мектеп ұжымы мен оқу орнының бұрынғы түлектері білім ордасында өткен аяулы шақтарын сағынышпен еске алып, талапкерлерге сәт-сапар тіледі.

«Осы уақыт аралығында бұл қарашаңырақтан 2 755 түлек түлеп ұшты. Оның 73-і – «Алтын белгі», 39-ы – «Үздік аттестат» иегері. Бүгінге дейін 750 ұстаз оқушыларды білім нәрімен сусындатты. 2022 жылғы оқу жылын 9 «Алтын белгі» үміткері бітіріп отыр. Олардың қатарында халықаралық бірнеше  жоғары оқу орындарының грант иегерлері бар», – деді білім ордасының директоры Әбуова Айжан Елеуқызы.

Соңғы қоңырау салтанатында сөз сөйлеген ардагер ұстаз Еркін Тұрбекқызы ұстаздық жолын бастаған, сан мыңдаған шәкірт тәрбиелеген жұмыс орнына келіп, естіліктерімен бөлісті. Дарынды балалар білім алатын мектеп-интернаттың салтанатты соңғы қоңырау мерекесіне Алматы облыстық Білім басқармасы басшысының орынбасары Айжан Маманқызы да арнайы ат басын бұрды.

«Аталмыш білім ордасы облыстық деңгейде өте жоғары білім сапасын қамтамасыз етіп отырған мектептердің көшбасында тұр. Республикалық деңгейде Алматы облысының атынан білім сайыстарында сәтті өнер көрсетіп жүрген оқушылары да жетерлік. Биыл 60 жылдық мерейтойы қарсаңында білім ордасы өзінің рекордтық жетістіктерін көрсетіп отыр. Оның қатарында 9 «Алтын белгі», 10 «Үздік аттестат» үміткерлері бар. Бұл дегеніңіз, жалпы ел ауқымында өте жоғарғы көрсеткіштердің бірі», – деді  Айжан Маманқызы.

Байланысты жаналықтар

Қор нарығында доллар қайта қымбаттады

12.07.2024

Қазақстан мен Өзбекстан үкімет басшылары ынтымақтастықты нығайту қарқынын талқылады

12.07.2024

Бүгін елімізде ауа райы қандай болады

12.07.2024

Алматыда бейбіт митинг өтетін орындар өзгермек

11.07.2024

Олжас Бектенов Алматы қаласын сумен қамтамасыз ететін резервтік жүйе салу барысын тексерді

11.07.2024

Алдағы күндері ауа райы қандай болады

11.07.2024
MalimBlocks
Қор нарығында доллар қайта қымбаттады

Ұлттық банктің 12 шілдедегі ресми бағамы - 1 долларға 474,26 теңге. Ресей рублінің орташа сараланған құны - 5,43 теңге.

Қазақстан мен Өзбекстан үкімет басшылары ынтымақтастықты нығайту қарқынын талқылады

Қазақстан мен Өзбекстанға Орталық Азиядағы барлық сауданың 57%-ы тиесілі.

Бүгін елімізде ауа райы қандай болады

Республика бойынша жел күшейеді.

Алматыда бейбіт митинг өтетін орындар өзгермек

Құжат 24 шілдеге дейін қоғамдық талқылауға шығарылды

Олжас Бектенов Алматы қаласын сумен қамтамасыз ететін резервтік жүйе салу барысын тексерді

Қала әкімінің орынбасары Президенттің резервтік жүйе туралы тапсырмасының орындалғанын баяндады

Алдағы күндері ауа райы қандай болады

Синоптиктердің мәліметінше, атмосферадағы синоптикалық жағдайға оңтүстік циклон әсер етеді, ауа райы бұлтты болады деп болжанып отыр.