Астанадағы Кенесары ханның ескерткіші жөнделіп, орнына қайта орнатылды, - деп хабарлайды Malim.kz тілшісі.
Қазір ескерткіш айналасында абаттандыру жұмыстары жүргізіліп жатыр. Бұл туралы Мемлекеттік кеңесші Ерлан Қарин айтты.
"Былтыр Есілдің жағасында тұрған Кенесары ханның ескерткіші жөндеу жұмыстарына байланысты алып тасталған кезде әлеуметтік желіде әңгіме болды. Қайта-қайта пікір бергеніме қарамастан, расталмаған ақпарат тараған еді. Шын мәнінде, ескерткішке жөндеу жұмыстары қажет болды. Міне, бүгін, жөндеу жұмыстары аяқталып, ескерткіш орнына қойылды. Қазір бұрынғымен салыстырғанда биіктігі де ұзартылды", – деді Ерлан Қарин.
Фото: Gov.kz
