Астанада 7 қараша күні күн райының бұзылуына байланысты бірінші ауысымдағы 0-7 сынып оқушылары қашықтан оқитын болды. Бұл туралы қалалық Білім басқармасы хабарлады.
«2024 жылғы 7 қараша күні ауа райының қолайсыздығына байланысты бірінші ауысымның 0-7 сынып оқушылары қашықтан оқыту форматына ауыстырылады»,-делінген хабарламада.
Астанада 6-қараша күні мектептерде сабақ 30 минуттан өтті. Бұған қатты желдің соғуы себеп болды. Синоптиктер 6-7 қарашада Елордада секундына 23-30 метр жылдамдықпен соғатын қатты жел күтіледі деп хабарлаған.
Фото: Ggov.kz
