Дәулет Мұқаев іш киімдерін қалай жинайтынын көрсетемін деп сынға қалды
Ол заттардың жинақы тұрғанын құп көреді екен.
Мәжіліс депутаты Дәулет Мұқаев әлеуметтік желідегі парақшасында үйіндегі киімі тұратын шкафын көрсетемін деп басы дауға қалды, деп хабарлайды Malim.kz.
Мұқаев іш киімін жеке сөрелерге салып, ал киімін ұқыпты етіп жинап қоятынын көрсеткісі келген, алайда мәжілісменнің бұл әрекеті оқырманның көңілінен шықпады.
Ал шкафтарды ақтарсақ ақтарайық. Киімдердің барлығын осылай ретімен жинап қойғанды жақсы көремін. Жапондарда мұны кайдзен дейді. Әрине, мұнда барлығы жуылған, таза киімдер. Оның барлығын жуып-тазалап қоятын, менің әйелім, деді депутат.
Дегенмен депутаттың іш киімдерін жалпақ жұртқа көрсеткені көпшілікке ұнамаған тәрізді.
«Депутаттың көрсететін нәрсесі ме?», «Халыққа айтатын ештеңесі қалмаған соң, осыны көрсетіп жатыр», «Бұл елде басқа мәселе жоқ қой», деп жарыса жазды жұрт.
Фото: malim.kz
