Екібастұзда 4 жасар бала шұңқырға құлап, ішінде суға батып кетті
Болжам бойынша, бала үлкендердің қарауынсыз ойнап кеткен
Екібастұзда 2019 жылы туған ойын баласы қазылған, ішінде су толы шұңқырға құлап, көз жұмды, деп хабарлайды Malim.kz.
Облыстық төтенше жағдайлар департаментінің хабарлауынша, 31 мамыр сағат 17:28-де Екібастұзда полицияның кезекші бөліміне ойнап жүрген баланың тайып кетіп, шұңқырға құлап кеткені туралы хабарлама келіп түскен. Бүлдіршінді құтқару мүмкін болмаған, бала суға батып кеткен.
2019 жылы туған баланың денесін өтіп бара жатқан адам тауып алып, шұңқырдан алып шыққан.
Өлімнің мән-жайы анықталып жатыр, алдын ала мәлімет бойынша, бала ересектердің қарауынсыз ойнап жүріп, құлап, суға батып кеткен, делінген ТЖД хабарламасында.
Облыстық денсаулық сақтау басқармасының мәлімдеуінше, жедел жәрдемге 16:50-де қоңырау түскен. Жедел жәрдем бригадасы ол жерге 6 минуттан кейін жеткен. Алайда медицина қызметкерлері баланың жүрегі тоқтағанын тіркеді.
Қазір осы жағдайға байланысты сот-медицина сараптамасы тағайындалған.
Фото: ekibastuz_live
Байланысты жаналықтар
MalimBlocks
