Грекияда өртенген арал: Данияр Әбілғазин мәлімдеме жасады
Ол өртке себеп болған отшашулар атылған Persephoni I яхтасын жалға алғанын мойындады.
Қазақстандағы ең бай бизнесмендердің бірі Данияр Әбілғазин Грекияның Гидра аралындағы өртке қатысты мәлімдеме жасады, деп хабарлайды Forbes.
Ол отшашулар атылған Persephoni I яхтасын жалға алғанын мойындады. Әбілғазин болған оқиғаға өкініш білдіріп, өзінің және қонақтарының өрт қауіпсіздігі ережелерін қатаң сақтағанын айтты.
Әбілғазин өзінің де, қонақтарының да өрт болатындай ештеңе істемегендерін баса айтып, Грекия билігі өкілдерінің өздеріне қарсы ешқандай талап қоймағанын атап өтті. Ол сондай-ақ Грекия билігімен тергеуде ынтымақтасуға уәде берді.
Еске салсақ, Грекия прокурорлары өткен аптада Сарон теңізіндегі Гидра аралында өрт қоюға қатысы бар жеке яхтадағы 8 ересек қазақстандық жолаушыны айыптаған болатын.
Фото: интернеттен
