Атыраудағы №3 мектеп-гимназиясының мұғаліміне жарылыс туралы хабарлама келіп, 80 миллион теңге талап етілгені туралы ақпарат тараған. Бірақ сол қорқытан адам әлі табылмай жатыр, деп хабарлайды Malim.kz.
Мұғалімнің шақыруына полиция қызметкерлері жедел әрекет етті. Олар мектепті толық тексеріп, жарылғыш зат таппады.
Қылмыстық іс қозғалған, алайда, күдікті әлі табылған жоқ.
6 ақпан күні Атырау қаласындағы мұғалімге келген жарылғыш зат туралы ақпаратқа сәйкес, құзырлы органдар тиісті тексеру жұмыстарын жүргізді. Күдік тудыратын заттар анықталған жоқ. Қазіргі таңда аталған дерекке қатысты терроризм актiсi туралы көрiнеу жалған хабарлау бабымен қылмыстық іс тіркеліп, тергеу амалдары жүріп жатыр, - деп хабарлайды ПД баспасөз қызметі.
Айта кетейік, терроризм туралы жалған хабарлама таратқан адамға 5 000 айлық есептік көрсеткіш көлемінде айыппұл, сол мөлшерде түзету жұмыстары, бес жылға дейін бас бостандығын шектеу немесе бас бостандығынан айыру жазасы қарастырылған.
Фото: Аzh.kz
Байланысты жаналықтар
MalimBlocks
