Назарбаевтың тағы бір мүсіні алынды
Астанадағы Қорғаныс министрлігіне қарасты әскер тарихы музейінен Нұрсұлтан Назарбаевтың балауыздан жасалған мүсіні алынып тасталған.
Қазір оның орнына Қазақстанның тұңғыш Қорғаныс министрі, Армия генералы, Совет одағының батыры Сағадат Нұрмағамбетовтың мүсіне қойылған. Бұл туралы Tengrinews.kz. хабарлады.
Ақпарат құралының жазуынша, музей қызметкерлері экс-президент мүсіні экспозиция қатарынан алынып, қорға өткенін айтқан.
Нұрсұлтан Назарбаевтың балауыз мүсіні 2018-жылы жасалған. Авторы суретші-гиперреалист Айдос Есмағамбетов.
Бұған дейін 2020 жылы Назарбаевтың 80 жасы құрметіне Ұлттық қорғаныс университеті ауласына қойылған бұрынғы президенттің ескерткіші алынған еді. Одан кейін Астанадағы Ұлттық музейдегі Назарбаевтың тағы бір ескерткіші қорға өткен еді.
Фото: Tengrinews.kz.
