Шымкент қаласы әкімінің орынбасары Руслан Берденовке шұғыл операция жасалып, қазір ол есін жиды, деп хабарлайды Malim.kz.
Қалалық Денсаулық сақтау басқармасының мәліметінше, ол сөйлей бастаған, дегенмен оның жағдайы әлі де тұрақты ауыр деп бағалануда.
Операция барысында қан кету тоқтатылды, жарақаттанудан болған зақым қалпына келтірілді. Өміріне қауіп жоқ. Науқастың жағдайы тұрақты ауыр деп бағаланады. Ол дәрігерлердің тұрақты бақылауында және барлық қажетті медициналық көмекті алуда, делінген хабарламада.
Айта кетейік, кеше Берденовке Шымкент әкімдігі алдында оқ атылды. Күдікті ұсталған.
Фото: Мәжілістің баспасөз қызметі
