Қазақстанның «Ақ жол» демократиялық партиясының (ДПК) жетекшісі Азат Перуашев бұған дейін KazTAG агенттігі жариялаған мақалаға қатысты Павлодар шенеуніктерінің мәлімдемесін орынсыз деп атады, деп хабарлайды Malim.kz.
«Павлодарда “Ақ жол” фракциясының IT-қызмет бағаларымен жасалған манипуляциялар туралы депутаттық сауалына жауап берілді. Жедел әрекет пен ұсынылған түсініктемелерді құптаймыз. Алайда, «Азатты Перуашевты шатастырып жіберді» деген авторлар тұжырымы – мүлде орынсыз. 8,5 млрд теңгенің «Қауіпсіз қала» бағдарламасына бөлінгені жөніндегі ақпаратты KazTAG агенттігі жариялаған – бұл менің ойымша, ең беделді әрі сенімді ақпарат көздерінің бірі. Оның кәсібилігі мен бейтарап беделі талай сыннан сүрінбей өтті», – деп жазды Перуашев жұма күні өзінің Telegram-арнасында.
Ол бұл жағдайда бір ғана оқырман (соның ішінде депутат) емес, аталмыш және басқа да БАҚ-ты оқитын мыңдаған аудитория туралы сөз қозғау қажет екенін атап өтті.
«Бірақ бұл жағдайда да ешқандай “шатасу” жоқ: Павлодардан келген жаңа ақпарат бөлінген қомақты қаражат (8,5 млрд тг) фактісін жоққа шығармайды, керісінше растап отыр. Бұл — бюджет шығындарын қысқарту туралы талаптар жиілеген кезеңде болған жағдай. Үкіметте экономикалық өзгерістерге жедел әрекет ету штабы құрылған. Тіпті бюджет дағдарысы аясында жаңа қабылданған Кодекспен салықтар едәуір арттырылды (бұл құжатқа «Ақ жол» демократиялық партиясы қарсы дауыс берген)», – деп еске салды «Ақ жол» фракциясының жетекшісі.
Сондай-ақ, ол Ұлыбританияның аты аңызға айналған саясаткері Маргарет Тэтчердің: «Мемлекеттің ақшасы деген жоқ, тек салық төлеушілердің ақшасы бар» деген сөзін мысалға келтірді.
«Сәйкесінше, қоғам – салық төлеушілер – шенеуніктерден де шығындарын қысқартуды, белді қаттырақ бууды талап етуге толық құқылы. Өздері бұны шағын және орта бизнеске талап етіп отыр ғой. Бірақ, өкінішке қарай, біз мұндай әрекеттерді байқамай отырмыз. Сауалда да осы айтылған. Ал мемлекеттік органдардың шығындарының тиімділігі мен Қытайдың Deep Seek атты жасанды интеллект әзірлеушілерімен салыстыруға келсек – мұнда да артық түсініктеме қажет емес. Сонымен қатар, «Ақ жол» фракциясы Цифрлық даму министрлігінен Жоғары аудиторлық палата анықтаған ескі, қайталанатын әрі пайдасыз бағдарламалар мен шығындарға қатысты қабылданған шаралар туралы ресми есеп беруді талап етті. Ал Павлодардан келген ақпаратта бұл деректер мүлде жоқ», – деді мәжіліс депутаты.
Егер сауалға жауап облыс шенеуніктері тарапынан дайындалған болса, Перуашев рәсімдік тәртіпті сақтау қажеттігіне назар аударды.
«Депутаттық сауал Цифрлық даму министріне жолданған, демек, жауап та тікелей министрден келуі керек. Ал «депутат шатасып отыр» деу арқылы әріптестер тек фальстарт жасап қоймай, министрдің орнына жауап беруге тырысты. Бірақ бұл аса сәтті шықпады. Министр ондай мәлімдеме жасамас еді. Айтпақшы, KazTAG-қа нақты әрі жергілікті жауаппен расталған ақпарат үшін алғыс», – деп түйіндеді Перуашев.
Еске салайық, 27 сәуір күні KazTAG Павлодар облысының цифрлық технологиялар басқармасы «Қауіпсіз қала» ақпараттық жүйесін сүйемелдеу мен қолдау үшін 8,5 млрд теңге жұмсамақ ниеті барын хабарлаған болатын.
Фото дереккөзі: akzhol.kz
