Қазақстандағы су тасқыны: ТЖМ жаңа деректерді жариялады
Қазіргі уақытта 4898 жеке тұрғын үй, 1542 аулалық аумақ және 2035 саяжай су астында қалды.
Төтенше жағдайлар министрлігінің күштері Қазақстанда қатты су тасқыны басталғалы бері 108 мыңнан астам адамды аман алып қалды, деп хабарлайды Malim.kz.
Бұл туралы Орталық коммуникациялар қызметінде өткен брифингте ТЖМ Азаматтық қорғаныс және әскери бөлімдер комитетінің аға офицері Ерасыл Сайпаш мәлімдеді.
Оның айтуынша, қазіргі уақытта:
11 950 адам үйлеріне оралды;
7444 адам уақытша орналастыру орталықтарында (оның 3111-і бала);
9,4 млн м3 еріген су сорылды;
2,1 миллион қап пен 1,2 миллион тонна инертті материал төселді.
Авариялық-құтқару жұмыстарына 32 963 адам мен 3 798 техника, 764 су сорғыш техника, 255 су көлігі, 14 ұшақ жұмылдырылған. Жедел желіге 1714 қоңырау түсті; психологтар 126 зардап шеккенге жедел психологиялық көмек көрсетуде.
Қазіргі уақытта 4898 жеке тұрғын үй, 1542 аулалық аумақ және 2035 саяжай су астында қалды. 3,5 мыңға жуық тұрғын үй мен 2078 аула аумақтарынан су бұрылды.
Петропавл қаласы мен Солтүстік Қазақстан облысының Қызылжар ауданындағы елді мекендердегі Есіл өзеніндегі су деңгейінің көтерілуіне байланысты тұрғындарды эвакуациялау жұмыстары жалғасуда, – деді Төтенше жағдайлар министрлігінің спикері Ерасыл Сайпаш.
Сондай-ақ ол еліміздің сегіз облысында: Ақтөбе, Қостанай, Батыс Қазақстан, Ақмола, Қарағанды, Атырау, Солтүстік Қазақстан және Ұлытау облыстарында 36 жергілікті төтенше жағдай әрекет ететінін еске салды.
Фото: ТЖМ
Байланысты жаналықтар
MalimBlocks
