«Қазгидромет» 11 мамырға метеорологиялық болжамын ұсынды
Еліміздің басым бөлігінде ауа райы тұрақсыз болады
«Қазгидромет» РМК ел аймақтарында 11 мамырда болатын қауіпті метеорологиялық құбылыстарға болжам жасады.
Оның хабарлауынша, атмосфералық фронталды бөліктер еліміздің басым бөлігінде тұрақсыз ауа райын сақтайды: найзағай ойнап, жаңбыр жауады, әсіресе оңтүстік, оңтүстік-шығыс, шығыста қатты жаңбыр жауып, бұршақ түседі. Республикамыздың батысы, солтүстік-батысы, солтүстігінде антициклон әсерінен жауын-шашынсыз ауа-райы күтіледі. Республика бойынша желдің күшеюі, оңтүстігі, оңтүстік-шығысы, шығысында дауыл, батысы, солтүстік-батысында түнгі және таңертеңгі сағаттарда тұман болжанып отыр.
Түнде Батыс Қазақстан облысының солтүстігінде, шығысында, Ақтөбе облысының солтүстігінде, Қостанай облысының батысында, шығысында, Ақмола облысының батысында, оңтүстігінде, Солтүстік Қазақстан облысының оңтүстігінде 1-3 градус үсік жүруі мүмкін.
Қарағанды облысының батысында, оңтүстігінде, Ұлытау облысының орталығында, Абай, Ақтөбе облыстарының оңтүстігінде, Батыс Қазақстан облысының оңтүстігінде, орталығында, Қызылорда облысының батысында, орталығында жоғары өрт қаупі сақталады, осындай жағдай Атырау облысының батысында болжанып отыр. Түркістан облысының шөлді аудандарында төтенше өрт қаупі сақталады.
Фото: Egemen.kz
