Қордайда ағын су шайып өткен жерлер жөнделіп жатыр
Беріктас пен Соғанды ауылдары қоқыстан тазартылды
Қордай ауданында табиғи апат салдарын жою жұмыстары жалғасып жатыр. Бүлінген тұрғын үйлердің ауласы қоқыстан толық тазартылған, деп хабарлайды Malim.kz.
Қазір Беріктас және Соғанды ауылдық округтеріндегі қираған инфрақұрылым нысандары қалпына келтірілу үстінде.
Беріктас ауылындағы 219 абонент газға қосылып, 6 аулада тазалық жұмыстары жүргізілді. Сонымен бірге аталған ауылда 2 бригада (10 адам, 5 техника) және Соғанды елді мекенінде 3 бригада (15 адам, 2 техника) электр желілерін реттеу жұмыстарын жүргізді. Барлық үйлер газ, электр желілеріне қосылды, деп жазды Жамбыл облысы әкімдігінің баспасөз қызметі.
Одан бөлек, 30 адам Қақпатас өзенінің арнасын ағаштардан тазалауға атсалысқан. «Соғанды-Бетқайнар» автожолындағы көпірге де жөндеу жұмыстары жүріп жатыр.
Еске сала кетейік, 15 шілдеде Қордай ауданының бірқатар ауылдық округінде дауыл мен нөсер жауын салдарынан таулы жерлерден еңіске қарай су ағыны пайда болған еді.
Фото: ТМЖ
Байланысты жаналықтар
MalimBlocks
