ҚТЖ жолынан қалған 600 жолаушыны теміржолмен тасымалдайды

«Қазақстан темір жолы» ұлттық компаниясы «Астана – Көкшетау» тас жолының жабылуына байланысты 600 жолаушыны пойызбен эвакуациялайды, деп хабарлайды Malim.kz.

Ауа райының қолайсыздығы және «Астана – Көкшетау» тас жолының жабылуына байланысты ұлттық тасымалдаушы көлік қолжетімділігін қамтамасыз ету үшін шұғыл шаралар қабылдауға кіріскен.

Компания мәлімдеуінше, бүгін, 12 қазанда «Астана – Көкшетау – Астана» бағыты бойынша жүретін №327/328 және №623/624 пойыздарына 13 қосымша вагон қосылған. Бұл шаралар шамамен 600 жолаушыны тасымалдауға мүмкіндік береді.

Ұлттық тасымалдаушы қолайсыз ауа райы кезінде жолаушылар тасымалын қатаң бақылауда ұстайды. Қазір ұлттық тасымалдаушының қызметкерлері пойыздардың үздіксіз қозғалысын қамтамасыз етіп жатыр, деп жазылған ресми хабарламада.

Фото: скриншот