Қарағанды облысындағы Саран қаласының әкімі Еркін Баулықов қызметінен босатылды, деп хабарлайды Malim.kz.
Облыс әкімдігінің мәлімдеуінше, бұл шешім жылыту маусымының бұзылуына байланысты қабылданды.
Қала әкімі қызметін уақытша атқарушы болып Баулықовтың бұрынғы орынбасары Максат Қайрешов тағайындалды.
Саран тұрғындары 13 қазанда сыртқы ауа температурасы 0 градус болған кезде жылусыз қалды. Сол уақытта әкімдікте қаладағы жаңа орталық қазандықтағы технологиялық ақаулар туралы хабарланды.
17 қазанда Энергетика министрі тұрғын үйлер мен әлеуметтік нысандардың жылу жүйесіне қосылғанын мәлімдеді.
28 қазанда Саран қаласының әкімі Еркін Баулықов пен Қарағанды облысының энергетика және ТКШ басқармасының басшысы Тлектес Досаев жылыту мәселесіне байланысты қатаң сөгіс алды.
Фото: gov.kz
