«Қолдау» орталығы» жеке меншік мекемесі жүзеге асырған «Demeu 2.0» жобасы аясында жасөспірімдердің психикалық денсаулығын сақтауға және нығайтуға бағытталған материалдар жарық көруде.
Мәселен, жоба аясында бұған дейін педагогтерге арналған әдістемелік құрал даярланған болса, бүгінгі таңда әлеуметтік желілерде суицидтің алдын алу бағытындағы әлеуметтік роликтер жарық көру үстінде.
Аталған жоба аясында жасөспірімдер арасында өзіне-өзі қол жұмсау фактілерін мейілінше азайтып, алдын алуға бағытталған педагог-психолог, әлеуметтік педагог мамандардың біліктілігін көтеру үшін курстар жүргізіліп, суицидолог мамандарды тарта отырып 7 елді-мекенде семинар-тренингтер мен «қауіп –қатер» тобында анықталған оқушыларға консультативтік көмек көрсету, психикалық денсаулықты сақтау мәдениетін қалыптастыружұмыстары жүргізілген болатын.
Айта кетейік, әлеуметтік жоба Маңғыстау облысының білім басқармасының тапсырысымен жүзеге асқан.
