Шымкент зообағы тағы бір кенгурумен толықты
Кішкентай кенгуруды билогтар мен ветеринар мамандардың бақылауында
Ақпанның айында Шымкенттегі зообақта Баку және Мерси жұптарынан кішкентай сұр кенгуру туған.
дегенмен, төлі наурызда ғана аналық кенгурудың қалтасынан басын шығара бастаған. Себебі, кішкентай кенгуралар туғаннан кейін жарты жыл бойы анасының қалтасында жатады. Сыртқа күн жылынғанда немесе маңайда адамдар азайғанда ғана шығады.
- Кішкентай кенгуру керіліп, қоршау аумағында айналып жүргенді ұнатады. Егер бейтаныс дыбыс ести қалған жағдайда бірден аналық кенгурудың қалтасына тығылады, - делінген зообақтың хабарламасында.
Кішкентай кенгурудың жағдайы жақсы. Оны билогтар мен ветеринар мамандар бақылап отыр. Алдағы уақытта қалталы жануардың жынысы анықталады.
Фото: видеодан скрин
