«Таза бейсенбі» экологиялық акциясы жалғасады
400 адамға жуық топ Астана қаласының айналма жолы маңынан 300 қаптан астам қоқыс жинады
Президенттің «Таза Қазақстан» жалпыұлттық бастамасы аясында «AMANAT» партиясы әрапта сайын ұйымдастырылатын «Таза бейсенбі» экологиялық акциясын жалғастырады.
20 мамыр күні «AMANAT» партиясы Астана қалалық филиалының ұйымдастыруымен «Астраханское» тас жолының маңы қоқыстан тазартылды.
Сарыарқа ауданы әкімдігінің, «AMANAT» партиясының өкілдерінен, «Жастар Рухы» жастар қанатының еріктілері мен қоғам белсенділерінен тұратын 400 адамға жуық топ Астана қаласының айналма жолы маңынан 300 қаптан астам қоқыс жинады.
Іс-шара тек қоқыс жинаумен шектелмейді.Әр учаскеге мәслихат депутаттары, белсенділер және бастауыш партия ұйымдарының басшылары бекітіледі.Олар сол учаскеде тұрақты түрде тәртіп пен тазалықты қамтамасыз етумен қатар, қоқыс жәшіктерін орнату, аумақтарды көгалдандыру, жолдар мен жаяу жүргіншілер жолын жөндеу сияқты абаттандыру және инфрақұрылымды дамыту мәселелерін шешеді.
Сондай-ақ, «AMANAT» партиясы Астана қалалық филиалы жанынан қалалық экологиялық жағдайды бақылауда ұстау үшін 5 мобильді топ құрылды. Әр мобильді топ құрамында Экологиялық кеңес мүшесі, Мәслихат депутаты, Аудандық партиялық филиалдарының Төрағалары, Аудандық Атқарушы хатшылары, Партиялық Бақылау комиссиясының мүшелері, партияның белсенді мүшелері бар.
Бұған дейін мобильді топтар жүргізген мониторинг жұмыстарының қорытындысына сәйкес қала ішіндегі және қала маңындағы 20 заңсыз қоқыс орны анықталған.
«AMANAT» партиясы Астана қалалық филиалының баспасөз қызметі
Фото: партияның баспасөз қызметі
