1 қазанда Қазақстанның бірқатар өңірінде жаңбыр жауып, найзағай ойнайды. Оңтүстіктің таулы аудандарында қатты жаңбыр, бұршақ және дауыл күтіледі. Ал шығыста түнгі температура кей жерлерде −6 градусқа дейін төмендейді. "Қазгидромет" болжамы бойынша, ел аумағында жел күшейіп, солтүстік, шығыс және оңтүстік-шығыс өңірлерде түнде және таңертең тұман түседі, деп хабарлайды Malim.kz.
Астанада күндіз жаңбыр жауады. Түнде ауа температурасы +6…+8, күндіз +16…+18 градус болады. Оңтүстік-шығыстан соғатын желдің жылдамдығы секундына 9–14 метр, екпіні 15–18 метрге жетеді.
Алматыда кешке қысқа мерзімді жаңбыр жауып, найзағай ойнайды. Түнде +12…+14, күндіз +24…+26 градус күтіледі. Солтүстік-батыстан соғатын желдің екпіні күндіз секундына 13 метрге дейін күшейеді.
Шымкентте жаңбыр жауып, найзағай ойнайды, күндіз кей уақытта қатты жаңбыр күтіледі. Түнде +12…+14, күндіз +18…+20 градус болады. Желдің екпіні секундына 15–20 метрге жетеді.
Ақмола облысында күндіз батыс, оңтүстік және шығыс аудандарда жаңбыр жауып, найзағай ойнайды, солтүстікте аздаған жаңбыр күтіледі. Түнде +3…+8, күндіз +14…+19 градус болады. Желдің екпіні кей жерлерде секундына 15–20 метрге жетеді. Көкшетауда жауын-шашын болмайды: түнде +6…+8, күндіз +16…+18 градус.
Солтүстік Қазақстан облысында түнде және таңертең батыс пен солтүстікте тұман түседі. Күндіз оңтүстік аудандарда жаңбыр жауып, найзағай ойнайды. Түнде +3…+8 градус, батыста −2 градусқа дейін төмендейді. Күндіз +15…+20 градус күтіледі. Петропавлда жауын-шашын болмайды, түнде және таңертең тұман түседі. Қалада түнде +4…+6, күндіз +17…+19 градус болады. Жел күндіз секундына 15–20 метрге дейін күшейеді.
Қостанай облысында күндіз батыс және оңтүстік аудандарда жаңбыр жауып, найзағай ойнайды. Батыс пен солтүстікте тұман күтіледі. Түнде +2…+7, оңтүстікте +10 градус, күндіз +18…+23 градус болады. Желдің екпіні оңтүстік пен шығыста секундына 15–20 метрге жетеді. Қостанайда жауын-шашын болмайды: түнде +3…+5, күндіз +20…+22 градус.
Павлодар облысында жауын-шашын күтілмейді, солтүстікте тұман түседі. Түнде +2…+7 градус, солтүстік, оңтүстік және орталық аудандарда −2 градус болады. Күндіз +15…+20 градусқа дейін жылынады. Павлодарда түнде +3…+5, күндіз +16…+18 градус күтіледі.
Қарағанды облысында күндіз батыс, солтүстік және шығыс аудандарда жаңбыр жауып, найзағай ойнайды. Түнде +8…+13, шығыста +1 градус, күндіз +13…+18, оңтүстікте +24 градус болады. Қарағандыда күндіз өткінші жаңбыр мен найзағай күтіледі. Түнде +8…+10, күндіз +16…+18 градус, желдің екпіні секундына 15 метрге жетеді.
Ұлытау облысында батыс, солтүстік және оңтүстік аудандарда жаңбыр жауып, күндіз найзағай ойнайды. Түнде +3…+8, оңтүстікте +13 градус, күндіз +19…+24, шығыста +14 градус күтіледі. Жезқазғанда күндіз жаңбыр жауады. Түнде +6…+8, күндіз +19…+21 градус болады.
Абай облысында жауын-шашын болмайды, орталық аудандарда тұман түседі. Түнде +1…+6, оңтүстікте +9 градус, ал батыс пен орталықта −3 градус күтіледі. Күндіз +15…+20, оңтүстікте +25 градусқа дейін жылынады. Семейде түнде +1…+3, күндіз +18…+20 градус болады.
Шығыс Қазақстан облысында жауын-шашын күтілмейді, солтүстікте тұман түседі. Түнде +1…+6 градус, солтүстік, шығыс және таулы аудандарда −1…−6 градус болады. Күндіз +18…+23, шығыста +14 градус күтіледі. Өскеменде түнде −1…−3, күндіз +18…+20 градус болады.
Батыс Қазақстан облысында батыс және солтүстік аудандарда аздаған жаңбыр жауады. Түнде +2…+7, оңтүстік пен батыста +10 градус, күндіз +16…+21 градус күтіледі. Оралда жауын-шашын болмайды. Түнде +3…+5, күндіз +17…+19 градус, желдің жылдамдығы секундына 9–14 метр болады.
Ақтөбе облысында жауын-шашын болмайды. Түнде +3…+8, оңтүстік-шығыста +11 градус, солтүстікте −2 градус күтіледі. Күндіз +18…+23 градус болады. Ақтөбеде түнде +4…+6, күндіз +20…+22 градусқа дейін жылынады.
Атырау облысында батыс және оңтүстік аудандарда жаңбыр жауып, күндіз найзағай ойнайды. Түнде +6…+11, күндіз +18…+23 градус күтіледі. Атырау қаласында жауын-шашын болмайды: түнде +6…+8, күндіз +21…+23 градус.
Маңғыстау облысында күндіз батыс аудандарда аздаған жаңбыр жауады. Түнде +12…+17, шығыста +7 градус, күндіз +21…+26 градус болады. Ақтауда жауын-шашын күтілмейді. Түнде +12…+14, күндіз +23…+25 градус, желдің жылдамдығы секундына 7–12 метр болады.
Қызылорда облысында жауын-шашын болмайды. Түнде +8…+13, күндіз +20…+25 градус күтіледі. Күндіз солтүстік, шығыс және орталық аудандарда желдің екпіні секундына 15–20 метрге жетеді. Қызылордада түнде +8…+10, күндіз +23…+25 градус болады.
Түркістан облысында солтүстік, оңтүстік, таулы және тау бөктеріндегі аудандарда жаңбыр жауып, найзағай ойнайды. Таулы және тау бөктеріндегі аудандарда қатты жаңбыр күтіледі. Түнде +10…+15, тауда +6 градус, күндіз +18…+23, тауда +13 градус болады. Түркістан қаласында жауын-шашын болмайды: түнде +13…+15, күндіз +20…+22 градус. Желдің екпіні секундына 15–20 метрге жетеді.
Жамбыл облысында батыс, солтүстік, оңтүстік және таулы аудандарда жаңбыр жауып, найзағай ойнайды. Тауда кей уақытта қатты жаңбыр, бұршақ және дауыл күтіледі. Желдің екпіні секундына 23 метрге жетуі мүмкін. Түнде +11…+16, тауда +6 градус, күндіз +18…+23, тауда +14 градус болады. Таразда өткінші жаңбыр жауып, найзағай ойнайды. Түнде +11…+13, күндіз +18…+20 градус күтіледі.
Алматы облысында солтүстік, оңтүстік және таулы аудандарда қысқа мерзімді жаңбыр жауып, найзағай ойнайды. Түнде +10…+15, тауда +5 градус, күндіз +21…+26, тауда +11…+16 градус болады. Шығыс және таулы аудандарда желдің екпіні секундына 15–20 метрге жетеді. Қонаевта жауын-шашын болмайды: түнде +12…+14, күндіз +24…+26 градус.
Жетісу облысында батыс және таулы аудандарда жаңбыр жауып, найзағай ойнайды. Түнде +10…+15, орталық және таулы аудандарда +2…+7 градус, күндіз +20…+25, тауда +17 градус күтіледі. Желдің екпіні шығыс және таулы аудандарда секундына 15–20 метрге жетеді. Талдықорғанда жауын-шашын болмайды. Түнде +5…+7, күндіз +23…+25 градус болады.
