БҰҰ Бас хатшысы Антониу Гутерриш Димаш Құдайбергенмен кездесті

Бас хатшы Димаштың өнері бүкіл әлем бойынша миллиондаған адамдарды тәнті етіп, оның дауысы адам құқықтарын қорғауда және жалпы сананы арттыруда қомақты үлес қосатынын атап өтті, деп хабарлайды Malim.kz.

Әлемдік мега жұлдыз Димаш Құдайберген көші-қон мәселесіне қатысты өз пікірін айтқан.

Өмірлік маңызды көші-қон мәселесі талқыланып, мен бұл бастаманы қолдайтынымды айттым. Бас хатшы көші-қонның маңыздылығына тоқталып, мені жаңа қызметіммен құттықтады. Антонио Гутерриш мырза дүниежүзіндегі миллиондаған адамдар тыңдайтын менің музыкам адам құқықтарын қорғай алатынын және ақпараттандыратынын баса айтты. Мен өз талантым арқылы маңызды дүниелерді өзгерте алатыныма ризамын. Осы суретті баршаңызбен бөлісуге қуаныштымын, қымбаттыларым!, - деп жазды әнші Instagram парақшасында.