Журналист Сырым Итқұлов өзінің Telegram-арнасында экс-президент Нұрсұлтан Назарбаевтың қызы Дариға Назарбаеваның әуежайда кезекте тұрған суретін жариялады, деп хабарлайды Malim.kz.
Оның мәліметінше, экс-президент Нұрсұлтан Назарбаевтың үлкен қызы Дариға Назарбаева немерелерімен бірге Дубайдан Астанаға ұшып кеткен. Фотосуретке қарағанда, олар Air Astana әуе компаниясының бизнес-класын таңдаған.
2022 жылғы қаңтардағы оқиғадан кейін Назарбаевтар отбасы қоғамдық кеңістіктен көрінбей кетті. Назарбаевтар әулетімен БАӘ-ге кетіп, онда ұзақ уақыт тұратыны айтылған еді.
8 наурыз қарсаңында «Курсив» Қазақстандағы ең бай әйелдердің тізімін дайындады. Дариға Назарбаеваның байлығы 590 миллион долларға бағаланған.
Фото: телеграм - syrymitkulov
