"Новая газета" бас редакторына Бейбітшілік жөніндегі Нобель сыйлығы берілді

Елнұр Бақытқызы

  • 08.10.2021

Бейбітшілік саласындағы Нобель сыйлығы Ресейдегі тәуелсіз "Новая газета" басылымының бас редакторы Дмитрий Муратов пен Филиппиндегі зерттеу журналисі Мария Рессаға берілді. Бұл туралы Нобель сыйлығын ұйымдастырушылар сайтында хабарланды.

Дмитрий Муратов пен Мария Рессаға Нобельдің бейбітшілік  сыйлығы сөз бостандығы мен пікір еркіндігін қорғауға қосқан үлесі үшін берілді.  

"Газет қызметкерлерін қастандықпен өлтіру мен қорқытып-үркітуге қарамастан, "Новая газетаның" бас редакторы Дмитрий Муратов басылымның тәуелсіз саясатынан бас тартқан жоқ. Ол журналистердің құқығын қорғап жүрді", - деді норвегиялық Нобель комитетінің басшысы Берит Рейс-Андерсен.

Осы күнге дейін "Новая газетінің" алты тілшісі қастандықтан қаза тапты. Оның бірі Анна Политковскаяның қастандықпен өлтірілгеніне кеше 15 жыл толған болатын.

Берит Рейс-Андерсен Нобельдің бейбітшілік саласындағы сыйлығын алған филиппиндік журналист Мария Ресса президент Дутерте режимінің зорлық-зомбылығы мен билікті асыра сілтеп пайдалану әрекеттерін әшкерелегенін атап өтті. Мария Ресса жұмыс істейтін басылым Rappler Дутерте режимінің нашақорлықпен күрес  науқаны қантөгіске айналғанын сынап жазған.

Биыл Нобельдің бейбітшілік сыйлығына 329 үміткер ұсынылды. Олардың арасында бірнеше айып тағылып, түрмеге қамалған Ресейдің оппозициялық саясаткері Алексей Навальный, Беларусьтегі президент сайлауына қатысқан оппозициялық саясаткер Светлана Тихановская мен экобелсенді Грета Тунберг болды. Биыл бейбітшілік саласындағы Нобель сыйлығын Дүниежүзілік денсаулық сақтау ұйымы алады деген болжамдар көп айтылды.

Бейбітшілік саласындағы Нобель сыйлығына Қазақстанның бұрынғы президенті Нұрсұлтан Назарбаевтың кандидатурасы жеті рет ұсынылған. Соңғы рет Назарбаевты 2017 жылы Швейцариядағы Базельдің бейбітшілік кеңсесі ғылыми-зерттеу институтының директоры Алин Варе "ядролық қаруды жоюға қосқан үлесі" үшін ұсынды.

Назарбаевты 2006 жылы Қазақстан халқы ассамблеясы, 2008 жылы АҚШ конгресінің екі өкілі, 2009 жылы шешен балалар үйі, 2010  жылы түрік журналисі мен түрік халықтарының дүниежүзілік ассамблеясы, 2011 жылы Қырғызстан парламенті мен шешен-ингуш мәдени орталығы ұсынса, 2012 жылы астанада өкен ядролық сынақтарға тыйым салудан ядролық қарудан азат әлемге дейін" атты халықаралық конференцияда Назарбаевтың кандидатурасы тағы бір мәрте Нобель сыйлығына ұсынылған. Алайда Қазақстанның экс-президентіне Нобельдің бейбітшілік саласындағы сыйлығы сол бойы бұйырмады.

 

Байланысты жаналықтар

Қазақстанның Түркиядағы елшілігі маңызды мәлімдеме жасады

23.03.2025

Тоқаев ХОК-тің жаңа президенті Кирсти Ковентриге құттықтау хат жолдады

23.03.2025

Президент этноауылдағы қолөнер жәрмеңкесін аралап көрді

21.03.2025

Тоқаев Қазақстан халқын Наурыз мейрамымен құттықтады

21.03.2025

Тоқаев «Қазатомөнеркәсіп» басшысына бірқатар тапсырма берді

20.03.2025

Израиль президенті Тоқаевты Наурыз мерекесімен құттықтады

20.03.2025
MalimBlocks
Қазақстанның Түркиядағы елшілігі маңызды мәлімдеме жасады

Тоқаев ХОК-тің жаңа президенті Кирсти Ковентриге құттықтау хат жолдады

Қасым-Жомарт Тоқаев Кирсти Ковентриге Халықаралық Олимпиада комитетінің президенті болып сайлануына орай құттықтау жеделхатын жолдады

Президент этноауылдағы қолөнер жәрмеңкесін аралап көрді

Президент Қасым-Жомарт Тоқаев этноауылдағы қолөнер жәрмеңкесін аралап көрді

Тоқаев Қазақстан халқын Наурыз мейрамымен құттықтады

Қасым-Жомарт Тоқаев «Expo» көрме орталығындағы этноауылда Наурыз мерекесін жұртшылықпен бірге қарсы алды

Тоқаев «Қазатомөнеркәсіп» басшысына бірқатар тапсырма берді

Президент «Қазатомөнеркәсіп» ұлттық атом компаниясы» АҚ басқарма төрағасын қабылдады

Израиль президенті Тоқаевты Наурыз мерекесімен құттықтады

Қасым-Жомарт Тоқаев Израиль президенті Ицхак Герцогпен телефон арқылы сөйлесті