Путин Курск облысының губернаторын орнынан алып тастады

Фотода А.Хинштейн, РБК

Алексей Смирнов Курск облысының губернаторы қызметін небәрі 80 күнге жуық атқарды. РБК-ның хабарлауынша, Кремль соңғысты дұрыс ұйымдастыра алмағанына наразы. Бұл туралы www.dw.com сайты жазды.

Ресей президенті Владимир Путин Александр Хинштейнді Курск облысының губернаторының міндетін атқарушы етіп тағайындады. Аймақ басшысы қызметін атқарған Алексей Смирнов бейсенбі күні кешке Telegram желісінде «жаңа кезекшілікке» көшетіні туралы жазды. Смирнов губернатор болып небәрі 80 күн қызмет еткен.

Смирнов 10 қыркүйекте өткен аймақ басшысын сайлауда 65,28 пайыз дауыспен жеңіске жеткен еді.

Хинштейн – Мемлекеттік Думаның «Единая Россия» партиясының депутаты, ақпараттық саясат комитетінің төрағасы. 2016-2018 жылдары Ресей Ұлттық гвардия директорының кеңесшісі және Ресей Ұлттық гвардияның бас қолбасшысы қызметтерін атқарған. Путиннің айтуынша, ол аймақтың «экономикасын қалпына келтірумен» айналысуы керек.

Курск облысындағы митинг

Қараша айында Курск облысының тұрғындары билікке қарсы митинг өткізіп, «қалай өмір сүретінін» түсінбейтіндерін айтқан.

26 қарашада Ресей Қорғаныс министрлігі алыс қашықтықтағы АТАСMS баллистикалық-тактикалық зымыраны Курск қаласынан 7 шақырым жерде орналасқан Курск-Восточный аэродромын атқылағанын растады.

Reuters агенттігінің хабарлауынша, 23 қарашадағы жағдай бойынша, Украина әскерлері Курск қаласына басып кіргеннен кейін Ресей армиясы 59 мыңға жуық әскерді облыстағы соғысқа жұмылдырған.

AFP ақпарат көзіне сілтеме жасай отырып, қарашаның соңында Украина қарулы күштері әлі Курск облысынан кетуді жоспарлап отырған жоқ және «қажет болғанша» сонда қалуға ниетті деп жазды.

Украина қарулы күштерінің Курск аймағындағы шабуыл операциясы 6 тамызда басталды, содан кейін украиналық бөлімшелер ондаған елді мекенді бақылауына алды. Украина билігі Ресей әділетті бейбітшілікке келіскен кезде операция тоқтатылады деп мәлімдеді.