2024 жылы украиналық дрондар Ресейде, Қырымда және Украинадағы оккупацияланған аумақтарда 80-нен астам мұнай өңдеу зауыттары мен мұнай қоймаларына шабуыл жасады. Бұл шабуылдар Ресейдің көгілдір отын нарығына едәуір әсер етті. Жыл бойы бензин мен дизель өндірісі қысқарып, газ бен бензин бағасы көтерілді, дейді ВВС сарапшылары.
Инфрақұрылымның істен шығуы мен оны қайтадан қалпына келтіру қажеттілігі мұнай компанияларының рентабельділігін төмендетті, өйткені жөндеу жұмыстары ұзаққа созылды, ал санкциялар зауыттарды жөндеу барысын қиындатты. Нәтижесінде, 2024 жылы мұнай өңдеу көлемі 12%-ға қысқарды, ал кейбір зауыттар тиісті деңгейде жұмыс істей алмады.
Бензин мен дизельдің бағасы Ресейде сәйкесінше 10,85% және 8,56%-ға өсті. Алайда, 2024 жылдың соңында баға тұрақталғаны байқалды. Сарапшылар 2025 жылы баға айтарлықтай өспейді деп болжап отыр, бірақ жөндеу жұмыстары мен сұранысқа байланысты 10-20%-ға көтерілуі мүмкін.
Дрондардан қорғану үшін билік мұнай өңдеу зауыттарында зениттік кешендер орнатуды қолға алмақшы, бірақ шектеулі ресурстар кезеңінде барлық нысандарды тиімді қорғау мүмкін болмай тұр.
Фото: ВВС
