Қытайда туған, кейін Қазақстан азаматтығын алған Серікжан Біләш қоғамдағы саяси белсенділігін тоқтататынын айтты, деп хабарлайды Malim.kz.
«Атажұрт еріктілерінің» мүшесі Серікжан Біләш саясаттан кететінін айтып, мәлімдеме жасады. Ол қазіргі таңда АҚШ-та тұрып жатыр.
«Бүгін өте ауыр болса да, сіздерге жеткізейін деп отырмын. Менің енді саясаттан кетуім мүмкін. Ол шешімнің эмоция мен жалығу мен шаршау, түңілу секілді көңіл-күйге қатысы жоқ. Осындай шешім қабылдадым. Жеріме атомның уын шашам десе, үнсіз көнесің. Желінің өзінде ойыңды ашық айт деесе, айтпайсың. Жеріңе қытайды визасыз кіргізсе, үнсіз көнесің. Ел болып, наразылықтарыңды білдіріңідер десе, үнсіз отырасың. Сен тыныш отырып, өзге біреу сен үшін істеп қоятын сияқты. Мені сыйлаған, қадірлеген айналамдағы халқымның алдында жүзім жарық. Мен енді басымды қатырмаймын деп шешкен ақылды азаматпын. Мен тура сен сияқты ет пен сүйектен жаралған, қатты сөзге жүрегі ауыратын, сүрінсе, жығылса, еті ауыратын, сүйегі ауыратын, шаршаса, басы ауырып, балтыры сыздайтын пендемін. Сенің нәпсің бар, менің де нәпсім бар. Мен періште емеспін. Қабанбай батыр емеспін, супермен емеспін. Мен жай ғана пендемін», - Серікжан Біләш.
MalimBlocks
