Атырау облысындағы Құлсары қаласына қарғын су басты, деп хабарлайды Malim.kz Жылыой ауданының әкімдігіне сілтеме жасап.
Жем өзені таси бастады. Төтенше жағдайлар штабы Құлсарының 2 және 3 елді-мекендерін қауіпсіз жерге көшіру туралы шешім қабылдады. Бірінші кезекте әйелдер мен балалар, ауру және мүгедектігі бар азаматтар көшіріледі, - деді әкімдік өкілдері.
Тұрғындарды қабылдау үшін 7 мектепте арнайы эвакуациялық пункттер ашылған. Халыққа тек өзімен құжаттары мен ең қажетті заттарды алу қажеттігі айтылған.
ТЖМ соңғы дерегі бойынша, дәл осы уақытта қаладан 130 адам эвакуацияланған. Оның 84 бала. 1-сәуірден бастап өзен жағасына 41 996 қап құмнан кедергі жасалған. Құтқару жұмыстарына ТЖМ және Қорғаныс министрлігінен 342, жергілікті тұрғындар мен волонтерлардан 4 мың 540 адам жұмылдырылған. Су қатерінен қорғану үшін 142 техника да жұмыс істеп жатыр.
Фото: kazpravda.kz
