Танымал тележурналист Қымбат Досжан Қазақстанға анасын іздеп келген - белгиялық әйел асырап алған Жәнібек Жұмағұловқа қатысты жаңа мәлімет ұсынды, деп хабарлайды Malim.kz.
Оның айтуынша, Жәнібекті саудалаған әйелдің кім екені қаңтарда анықталған, дегенмен қылмыстық іс тергеліп жатқандықтан, оның жеке басына қатысты мәліметті жариялауға болмайды.
Ол әйелдің кім екенін, қайда тұратынын, жасы нешеде екенін біз қаңтардың басында анықтадық. Жәнібекті асырап алған анасымен хат жазысу арқылы білдік. Қылмыстық істі қозғап жатқан Арқалық полициясы да біледі. Сіздер ойлағандай, 2004 жылы ол перзентханада істемеген. Тіл білетіндіктен, аудармашы боп істеген, - дейді Қымбат Досжан.
Фото: интернеттен
