20 млн теңгелік торт: блогер Дархан Жолшыбековтің әйелі туған күнін дүркіретіп тойлады
Кешке танымал әншілер мен блогерлер келген.
Отандық танымал блогер Дархан Жолшыбеков әйелі Дариғаның туған күнін дүркіретіп атап өтті, деп хабарлайды Malim.kz.
Кеш ұйымдастырушылары қонақтардан ақ түсті киім киюді талап еткен.
Дариға Нүкееваның 26 жасына Қазақстанның әншілері мен блогерлерінен басқа, Ресейден ат терлетіп танымал әзілкеш Нұрлан Сабыров та келген.
Осы кешті жүргізген де сол болды. Ал қазақ эстрадасының королі Мейрамбек Бесбаев, Ғазизхан Шекербеков, Мәдина Сәдуақасова сынды әншілер туған күн иесі үшін ән салған.
Сондай-ақ туған күн иесі үшін құны 20 млн теңгенің торты әзірленген. Оның ұзындығы 2 метрге жуықтайды, зәулім сарай сынды тәтті бәліштің қақ ортасында блогердің лақап аты — «DARICORN» деген жазуды байқауға болады.
Бұған дейін Дархан Жолшыбеков әйеліне 150 млн теңгенің темір тұлпарын сыйлаған.
Фото: instagram.com/darhanzholshybekov
