Алтынай Жорабаева жүктілігі туралы жаңалықты жақындарына қалай жеткізгенін көрсетті
Видео екі жыл бұрын түсірілген.
Қазақстандық танымал әнші Алтынай Жорабаева бұған дейін еш жерде көрсетпеген отбасылық видеосын бөлісті, деп хабарлайды Malim.kz.
Өнер иесі көптен күткен жүктілігі туралы жолдасы мен жақындарына қалай хабарлағанын көрсетті. Алтынай Жорабаева мұрағаттық бейнежазбаны Instagram-дағы парақшасында жариялаған.
Әнші қуанышты жаңалығын ең алдымен жолдасы мен қыздарына хабарлаған. Отағасы мен өнер иесінің перзенттері бұл хабарға қатты қуанып, тіпті кейбірі көз жасына ерік берген. Оған қоса эстрада жұлдызы жүктілігі туралы туған інісі Талғат Жорабаев пен оның келіншегіне, сонымен қатар ата-анасына қалай хабарлағанын да көрсеткен.
Бөлісетін сәт келді. Барлық мақтаулар мен мадақтар Аллаға ғана тән. Аллама сансыз шүкірлер. Зымыраған уақыт-ай. Осыдан екі жыл бұрын көптен күтіп жүрген жаңалығымызды жақындарымызбен бөлісіп едік. Видеоға түспей қалғаны да бар. Міне, бүгін сіздермен бөліскім келді. Алланың қалауымен Амина Алишерқызына бүгін 1 жас толды. Амина қызымыз – қаншама жанның дұғасымен, махаббатпен келген балапан. Сәби күтіп, дұға жасап жүрген жандарға жұғысты болсыншы. Дұға-тілектеріңізге мың алғыс. Өздеріңізге еселеп қайтсын, - деген жазба қалдырды ол.
Фото: instagram.com/altynaizhorabayeva
Байланысты жаналықтар
MalimBlocks
