«Арманым жүзеге асқан жер»: Мөлдір Әуелбекова Алматыға ерекше жазба арнады
Өнер иесі бұл қала жаңа есіктер ашқанын жеткізді
Қазақстандық актриса әрі әнші Мөлдір Әуелбекова Алматы қаласына арнап жазба қалдырды, деп хабарлайды Malim.kz.
Өнер иесі оңтүстік астана өзіне көптеген мүмкіндік бергенін алға тартты.
Мен Алматыға 21 жыл бұрын, 18 жасымда келдім. Сол кезде бұл қала мен үшін алыстағы ала алмайтын қамалдай көрінетін. Жолым мен мүмкіндіктерім анық емес, армандарым алыста сияқты еді. Бірақ Алматы уақыт өте келе әрбір адамды құшақ жая қарсы алып, жаңа бастамалар мен биік асуларға жетелейтін есіктер ашатынын түсіндірді.
Қазір Алматыда өніп-өркендеп, керемет өмір сүріп жатырмын! Бұл қала менің армандарымды жүзеге асырып, мені үлкен жетістіктерге жетеледі. Алматы мен үшін тек қала емес, ол менің өмірімнің бір бөлігі, жүрегімнің терең түкпірінен орын алған арманымның жүзеге асқан жері.
Мені шын бақытқа бөлеген қала — Алматым! Сені шексіз сүйемін! деп жазды Әуелбекова.
Фото: instagram.com/moldir.auyelbekova
Байланысты жаналықтар
MalimBlocks
