Ерке Есмахан мен Раймның Америкадағы концерті кейінге қалдырылды
Өнер иелері АҚШ-тың 4 қаласында концерт өткізбек.
Әнші Ерке Есмахан мен Раймның АҚШ-та өтетін концерті ақпан айына ауысты, деп хабарлайды Malim.kz.
Өнер иесі Instagram парақшасында Америкаға баратын визасының дайын болмағанын атап өтті.
"Айтпақшы, АҚШ-тағы концерттеріміз визамыздың дайын болмағанына байланысты ақпан айына ауысты. Қазір Америкада қыдырып жүретін едім. Әрине, барлығына шүкір", - деді Ерке Есмахан.
Айта кетейік, өнер иелері АҚШ-тың 4 қаласында ауқымды концерт өткізуді жоспарлап отыр.
Фото: instagram.com/erke_esmahan
