«Ерке Есмаханның құпиясы». Танымал әнші халықты алдап жүргендерге ескерту жасады
Әлдекімдер әншінің атын жамылып, ақша тауып жүр
Әлеуметтік желіде әнші Ерке Есмахан мен күйеуі Раймның қарым-қатынасын пайдаланып, ақша тапқысы келетіндер көбейген. Әнші халықты алдап жүргендерге соңғы рет ескерту жасады, деп хабарлайды Malim.kz
Өнер иесінің айтуынша, әлдекімдер жолдасы екеуінің арасындағы махаббатты талқыға салып, оны өзгелерге үйретуге ниетті. Әнші оларға ешқандай қатысы жоқ екенін айтып, көпшілікті сенбеуге шақырды.
Ерке Есмаханның құпиясы, техникасы, энергиясы, тіпті Райм мен Еркенің махаббатының сырын айтып, үйретеміз деп жатыр екен көп білгіштер. Өзім де қатыссам ба деп қоям. Не деген Ерке Есмахан ол сонша деймін. Менің техникам - шынайылық. Қалғанына сенбеңіздер, - деп жазды Ерке Есмахан.
Фото: instagram.com/erke_esmahan
