«Гелендваген сыйлады». Әлішер Каримов Құлыбаевтың анасымен тығыз байланыста болғанын айтты

Әнші Әлішер Каримов Құлыбаевтар әулетімен қарым-қатынасы туралы ашық айтты, деп хабарлайды Malim.kz.

Өнер иесі шығармашылығының дамуына Раиса Құлыбаева қолдау көрсеткенін атап өтті.

Көп концерттеріме Раиса Құлыбаева апамыз келді. Менің шығармашылығымды ол кісінің қалай жақсы көргенін бәрі біледі. Тіпті бір жаққа барса да, "Әлішерді шақырдыңдар ма" деп сұрайтын. Кезінде солай қолдау көрсетті. Ақшалай емес, концерттерге, тойларға шақырды. Қалтасынан ақша берген кезі болмады. Мен оны алмас та едім. Бірде "ақша берейін десем, Әлішер, сенің барлық қалтаң тігілген" деп айтқан еді. Себебі сахнаға киетін костюмдерімде қалта болмайтын", - деді әнші Асхат Садырбайдың Media youtube-арнасына берген сұхбатында.

Ал қымбат көлікті сыйға тартқан жанның есімін атамауды жөн көрді.

Өнерімді жақсы көретін кісілерден үлкен сыйлықтар алған кезім болды. Мақтанғанды жақсы көрмеймін, атап айтпай-ақ қояйын. Олардың ішінде гелендваген көлігін сыйға тартқандар да болды. Кім бергенін айта алмаймын, - деді ол. 

Фото: видеодан кадр