Индира Елемес сазгер Арман Дүйсеновтің ұлының қазасы туралы пікір білдірді
Әнші бірнеше күн бойы күйзелісте болған
Танымал әнші Индира Елемес композитор Арман Дүйсеновтың ұлының қазасына қатысты пікір білдірді. Әнші elitar.kz ақпараттық порталына сұхбат беріп, қиын жағдайға қалғанын айтып берді, деп хабарлайды Malim.kz.
Әнші "Астарлы ақиқат" бағдарламасына қатысудан бас тартқанын, тек ұялғаннан барғанын атап өтті.
«Мен негізінде, бір Алла куә, барғым келген жоқ ол жерге. Менің студиямда үш сағаттай күтті. Мен бара алмайтынымды айттым. Бірақ үш сағат күтті… Сонымен, қайтадан енді ұят болды. «Әруағын сыйласаңыз келесіз» дегенге келтірді. Сонымен бардым. Барсам, шынымен де, өзім ғана болдым. Енді «ұят» деген нәрсе бар ғой. Ұялғаннан кейін бардым. Барғанда да, ақиқатын айттым. Мен, не жамандық айттым ол жақта? Ешқандай жаман нәрсе айтқан жоқпын. Отбасын жақсы көреді. Ол – өтірік емес. Ол – рас. Білмеймін, түсінбеймін. Бір Алла өзі реттеп қояды. Мен оған сенемін. Ештеңені де, көңіліме алмаймын. Себебі, мен білемін. Арым таза!»,- дейді Елемес.
Индира Елемес, бұл жағдайдан соң, арының таза екенін және ешкімге ешқандай зиян тигізбегенін мәлімдеді. Ол әлеуметтік желідегі сын мен айыптаулардан қатты жараланғанын айтты. Тіпті, бірнеше күн бойы күйзелісте болғанын жеткізді.
«Енді басыма тиіп жатыр. Ешкімге қатты жаным ашып, тіпті бір жақсылық жасап тастауға болмайды екен… Осы уақыт, осы жасқа дейін ешкімге кедергімді тигізген жоқпын. Керісінше жақсылығымды жасамасам, жамандық жасап көрмегем»,-дейді әнші.
Кейбірі марқұм, Абылай Арманұлының өлімін қастандық деп бағаласа, басқалары оны кездейсоқ жағдай деп есептейді. Ал Индира Елемес, ақиқаттың ашылатынына сенеді.
«Ол жағдайды мен жібердім. Өйткені мен білемін. Жүз пайыз. Менің арым таза. Шынымен, Алла тағала өзі реттейді. Оның себебі неде екенін. 50/50 болып жатыр. Бірақ осы жақын арада себебі нақты айтылады. Айтылған кезде, сол жазған көптеген пікірлерге, білмеймін адамдар, сондай зұлым адамдар, қалай сондай нәрсе жазады. Үш-төрт күн үйде жатып қалдым. Бірақ, сосын мен не үшін былай жатуым керек дедім. Не істеп қойдым деген секілді», - дейді әнші.
