Марқұм сазгер Арман Дүйсеновтің үлкен ұлы өмірден өтті
Суық хабарды тележүргізуші Ләйлә Сұлтанқызы мәлім етті
Қазақстанның белгілі композиторы марқұм Арман Дүйсеновтің үлкен ұлы Абылай Арманұлы қайтыс болды, деп хабарлайды Malim.kz.
«Соңғы болған оқиғаларды естіп, жүректен жүрек қалмады. Көңілім құлазып отыр. Қазақта "аталатсаң да боталатпа" дейді ғой. Бүгін тіпті Арман Дүйсеновтің үлкен ұлы қайтыс болды деген хабарды естіп, отбасына қайғыра көңіл айтамын! Бекем болыңыздар. Алла бәріне ғұмыр сыйласын. Анасына өте ауыр. Бекем болыңыз!», – деді Ләйлә Сұлтанқызы.
Айта кетейік, сазгер 2023 жылы қаңтар айында өмірден өткен еді.
Арман Дүйсенов 1974 жылы 4 мамырда Орал қаласында дүниеге келген. Ол – Қазақстанның еңбек сіңірген қайраткері, композитор, продюсер, тележүргізуші, бірнеше әннің авторы.
MalimBlocks
