Ләйлә Сұлтанқызы Арман Дүйсеновті еске алып жылап қалғанын айтты

Танымал тележүргізуші Ләйлә Сұлтанқызы композитор Арман Дүйсеновке жазба арнады, деп хабарлайды Malim.kz.

Сұлтанқызының айтуынша, ол продюсер Баян Алагөзованың шоуында марқұм композитордың әнінің тарихы туралы айтылғанда, көз жасын тоқтата алмай қалған.

Баян Мақсатқызының Астанада Queenшоу-ы өтті. Кәсіби музыка, жарық, дыбыстан басқа Арман Дүйсеновтің «Туған жер» әнінің шығу тарихына тоқталғанда, көз жасымды тыя алмадым. Сүртейін десем, орамал алмаппын. Ешкім көріп қоймасын дегендей қолыммен қайта-қайта бетімді сипап қоям…
Себебі, құран бағыштауға Қайрекеңнің басына барған сайын, мазаратының қасынан Арман мен ұлының жатқан жерін көреміз. Соңғы рет барғанда да қарап тұрып, жүрегімнің сыздағаны-ай. Кезінде жақын араласқан Арманды, ұлын «Алла тағала панасына алсын» деп дұғамызға қостық. Кеше Баян Арекеңді көрсетіп, еңбегін елеп, құрметін білдіргенде, сол бір Кеңсайдағы көрініс көз алдыма келе берді, - деп жазды тележүргізуші.

Сонымен қатар ол қысқа ғұмырда бір-бірімізге қамқорлық болып, жылы сөздер айтуға шақырды.

Бәріміздің баратын жеріміз ғой, осы қасиетті айда әрқайсымыздың жақынымызға бағышталған дұға, оқылған құранымыз қабыл болсыншы.
Өмір деген сондай қысқа, бір-бірімізге мейірімді, қамқор болып, қолдап жүрейікші, деді Сұлтанқызы.

Фото: instagram.com/sultankyzy