Ләйлә Сұлтанқызы меценат күйеуінің қазасына не себеп болғанын айтты

Танымал журналист әрі тележүргізуші Ләйлә Сұлтанқызы Дина Төлепбергенге берген сұхбатында жұбайы Қайрат Беркінбаевтың қазасына қатысты көпшілікті мазалаған сұрақтарға жауап берді, деп хабарлайды Malim.kz.

Көпшілік арасында оның өлімінің себебі туралы түрлі болжамдар айтылып жүрген. Соның ішінде инфаркт пен ішімдікке әуестігі туралы пікірлер кең тарағанын тілге тиек еткен Дина Төлепбергенге Ләйлә Сұлтанқызы бұл болжамдарды жоққа шығарды.

Мен дұрысын айтайын. Тромбоэмболия. Маған бұл диагнозды түсіндірді. Ол ковидтан кейін байқалды. Негізі ол вакцина алды. Бірақ ковидпен қатты ауырып шықты. Инфаркт емес, — деді ол.

Ләйлә Сұлтанқызы жолдасының соңғы рет әуежайдан шығарып салған сәтін еске алды.

Қарашада демалыс кезінде маған балаларды қыдыртып кел деді. Сөйтіп, 3-4 күнге Ыстамбұлға жіберді. Ол бізді әуежайға апарып тастады. Ешқашан шығарып салмайтын. Дәл сол күні шығарып салғысы келді. Суретке түстік, — дейді тележүргізуші.

Фото: әлеуметтік желі