«Көкіректерін аспанға тіреп қояды». Ақбота Керімбекова танымал әншіге қатысты пікірін білдірді

Танымал әнші Ақбота Керімбекова өнерде жүрген әріптесі Нұрболат Абдуллинге қатысты пікірін айтты, деп хабарлайды Malim.kz.

Өнер иесі жас әншілердің сәлемдеспей кететін кезі болатынын жасырмады.

«Нұрболат Абдуллиннің әншілігін жоққа шығармаймын. Өзінше бір үні бар. Сый-құрмет жағына келсек, қатты сыйлаймын деп айта алмаймын. Мұндай көзқараста жалғыз мен емес. Өзі де көрсе, түсінер. Бізде қазір жарқырап шықса, көкіректерін аспанға тіреп қояды. Өмір бойы солай жүретін сияқты. Қасыңда тұрып, амандаспай кететін әншілеріміз бар. Оларды сыйламаймын»,- деді ол.

Ақбота Керімбекова Нұрболат Абдуллинге қарапайым болу керек екенін айтқан.

«Нұрболатты бетіне де айтқанмын, айтамын да. «Мына көкірегіңді түсірмесең, біздің жасымызға сен де келесің, артыңнан сенен мықтылар да шығады, адам қарапайым болуы керек» дедім. Басқа-басқа алдыңғы буын-бізге көрсетуі ұят қой», - деді әнші.