Мақпал Жүнісова қызы Мерейге шындықты айтуының себебін түсіндірді
Оқырманы әншіні «қыздың тағдырын құрттың» деп айыптаған.
Қазақстанның халық әртісі Мақпал Жүнісова қызы Мерейге қатысты құпияны айтуының себебін түсіндірді, деп хабарлайды Malim.kz.
Өнер иесінің сөзінше, бауырының қызы екенін бастапқыда Заманбек Нұрқаділовтің өзі айтамын деген екен, алайда өмірден ерте кеткендіктен, шындықты бөтеннен естігеннен гөрі, өзінен естігені дұрыс деп шешкен.
Оқырманының бірі Мақпал Жүнісоваға Instagram-да «Мерейге шындықты айтпауың керек еді, бейшара қыздың өмірін құрттың» деп айып таққан.
Әнші оған жауап беріп, қызының шыққан тегін білгені дұрыс екенін алға тартқан.
Шындықты айтқанымызға мен де, Мерей де өкінген жоқ. Бейшара қыз емес. Абайлап сөйлеңіз. Зәкең 18 жасқа толғанда өзім айтамын деген. Мен айтпасам, ертең сіз сияқтылар басқа адамнан туған деп айтып қояды. Одан да өз аузымнан естісін. Өзімнің туған бауырымның қызын бауырға бастық. Ертең күйеуге шығарда өзінің руы мен тегін білгені дұрыс, - деп жауап қатты Жүнісова.
