Мақпал Жүнісованың қызы орысша сөйлеймін деп сынға ұшырады

Халық әртісі Мақпал Жүнісова қызы Мерейдің неліктен орысша көбірек сөйлейтінін түсіндірді, деп хабарлайды Malim.kz.

Өнер иесі әлеуметтік желіде қызының көлікте «Мен қазақпын» әнін шырқап отырғанын сәтінен видео салған.

Бүгінгі демалыс осындай ғажап әндермен үйге жеткізді, түніміз тыныш болсын! – деп жазды әнші.

Алайда келесі ән – Ғаділбек Жанай орындайтын «Жылама, жаным» туындысы қосылғанда, Мерей қуанғаннан «Моя песня» деді. Бойжеткеннің бірден орысша сөйлеп кеткеніне көңілі толмаған оқырмандарының бірі жазбаның астында пікір қалдырған.

Мен қазақпын деп алып, соңында «моя песня» дегені дұрыс болмады-ау. Көшеде орысша сөйлей ме? деп сұраған.

Оқырманының бұл сауалына Жүнісованың өзі жауап беріп, қызының шынымен орысша жиі сөйлейтінін мойындаған.

Жұмысында қазақтар аз, көбіне орысша, ағылшынша сөйлейді, үйде қазақша сөйлесеміз, қыз түгілі, менің өзім де қалай орысша сөйлеп кететінімді байқамай қаламын. Ауру қалса да, әдет қалмайды екен, бастысы, 99 пайыз қазақша сөйлейміз, деді әнші.

Фото: comode.kz: UGC