Танымал әнші Жігер Ауыпбаев қойшы баланың қарамағынан неліктен кетіп қалғанын айтты, деп хабарлайды Malim.kz.
«Хабарlike» бағдарламасына қонақ ретінде келген Жігер көпшілікке қойшы бала деп танылған Айдос Кәденнің кейінгі уақытта мінезі күрт өзгеріп, ол бөлек кетуді жөн көргенін алға тартты. Өнер иесі шәкіртінің бұл әрекетін өтпелі кезеңнің кесірі деп түсінгенін де жасырмады.
Әзірге ашып айтпай-ақ қояйын. Бәлкім уақытша нәрсе шығар деп ойлаймын. Себебі мен қойшы баланы үш жыл бұрын жайлаудан Алматы қаласына алып келіп, үйімнен орын беріп, мектебін жайғастырып, оқуын реттеп, продюсері болмасам да ұстазы ретінде қайда барсам бірге ертіп жүрдім. Ол менің балам емес, ата-анасы бар дегендей. Бірақ неге олай болғанын өзім де түсінбей қалдым. Себебі алда үлкен жоспарлар бар еді. 11-сыныпты бітіртіп, одан кейін оқуына дайындап жатқан болатынмын. Өкінішке қарай, осылай болып тұр. Бала қазір өтпелі кезеңде жүр. Бәлкім өз қалпына келгеннен кейін оралар. Менің қанатымның астына өткеннен кейін үш айдан кейін өтпелі кезеңі басталды. Мінезі өзгере бастады, – дейді әнші.
Есесіне қазір әлеуметтік желіде жылқышы бала ретінде танылған Береке Мұратты қарамағына алған. Аупбаев бұл шәкіртінің болашағынан зор үміт күтеді екен.
Мен продюсер деген сөзге қарсымын. Қолымнан келгенше кез келген қазақ баласына қолдау білдіргім келеді. Өзімізде ауылдан шыққасын, тасадағы таланттардың бағын жағуға тырысамын. Райымбек ауданында ән сапармен барғанда қойшы баланы таптым. Енді өнерге қосамын деп жатқанымда кетіп қалды. Қаншама жоспарлар қалды. Ештеңе айтпастан бір күнде кетті. Содан жылқышы балаға көзім түсті. Қазақ өнерін биікке көтеретін мықты маман болатынына сенімдімін, – дейді Жігер Ауыпбаев.
Фото: jiger_auypbaev instagram парақшасынан
Байланысты жаналықтар
MalimBlocks
