«Қыз бала өте әдемі екен»: Димаш Құдайбергеннің аруға сақина таққан видеосы тарады

Желіде әнші Димаш Құдайбергеннің ақ көйлек киген бойжеткенге сақина таққан видеосы тарады, деп хабарлайды Malim.kz.

Негізі Димаш жеке өміріне қатысты мәліметті құпия ұстайды, ол болашақ жарын да ешкімге көрсеткісі келмейтінін айтқан. Ал желіде тараған видеоға қатысты әншінің жанкүйерлері түрлі пікір білдіріп жатыр. Бірі оның шаңырақ көтергенін алға тартса, енді бірі мұның бар-жоғы жарнамалық ролик екенін жазған.

«Димаш балам, бақытың баянды болсын, жандарым!», «Димаш балам, әлемдегі бар жақсылықты тілеймін! Ғұмыр жастарың ұзағынан болсын!», «Ол өзінің жеке өмірін ешқашан көпшілікке жария етпейді. Өте орынды», «Бұл жарнамалық видеоролик қой», «Олар жарнамаға түсіп жатыр», «Димаш үйленіп жатыр ма? Бақыттарың баянды болсын!», «Бұл шынымен болғанда Димаш үшін қуанар едік. Қыз бала өте әдемі екен», деп жазды желі қолданушылары.