Танымал әнші анасының 5 жаста тастап кеткенін мәлімдеді

Танымал әнші Луина анасы бала күнінде із-түзсіз жоғалып кеткенін айтып, жан сырын ақтарды, деп хабарлайды Malim.kz.

Әнші әкесін де танымайтынын жасырмады, өйткені оның ата-анасы ол 3 жаста кезінде ажырасып кеткен.

"5 жасымда анам із-түзсіз жоғалып кетті. Қайта оралған жоқ. Бүгінде ол кісіге не болғанын білмейміз. Анам қатты есімде қалмады. Анамның шашымды қалай өріп бергені әлі күнге дейін есімде. Тіпті, олл жоғалып кеткен түн де есімде. Мен ол түні ұйықтай алмадым. Ал қазір мен ол кісіні іздемеймін. Кейде әпкем немесе ағам қоңырау шалған кезде, қазір қоңырауды көтерсем, анам табылғанын айта ма деп қорқамын. Мен бұл сезімді түсіндіре алмаймын, жай ғана қорқамын", - дейді әнші.

Өнер иесі іс-түссіз жоғалып кеткен анасын ағасы әлі күнге дейін іздеп жүргенін атап өтті.

"Менен 4 жас үлкен ағамды уайымдаймын. Ол анамды осы күнге дейін іздеп жатыр, оның жаны тынышталар емес. Анам жоғалып кеткен кезде ол 9 жаста болды. Анам бізді тастап кеткен сәтте үйде ағам екеуміз болдық. Ол кезде ағамның ақыл-есі кіріп қалғандықтан, бұл жағдайды қабылдау оған қиын болды. Ол уайымдап, "анамды қорғай алмадым" деп жылайтын. Кей кезде ол өзін кінәлайды. Бұл тақырыптың ағам үшін маңызды екенін білемін", - деді әнші "Din Dina show" телебағдарламасына берген сұхбатында.

Фото: Видеодан скрин